ALBISTEAK

Musika Eskolen Europako Jaialdiaren hamabigarren edizioa hartuko du Donostia 2016k maiatzaren 4tik 7ra bitartean. Europako milaka musika ikaslek hartuko dute parte eta Elgoibarrera lau talde etorriko dira zapatuan bisitan.

Musika eszenatoki bihurtuko dira Donostia eta beste 59 herri –tartean Elgoibar– aste honetan, Musika Eskolen Europako Elkarteak antolatu duen Emusik, Musika Eskolen Europako Jaialdia ospatzeko. 8.500 ikaslek 120 kontzertu eskainiko dituzte herrietan barrena eta Elgoibarkoa zapatuan, maiatzaren 7an, izango da Maalako parkean.

 Elgoibarrera lau eskola etorriko dira bisitan: Tarragonako Santa Barbara herriko Germans Arasa musika eskola; Alemaniako Bornheimgo eskola; Teruelgo Anton Garcia Abril; eta Suizako Altdorfeko eskola. Musikariei 10:15ean udaletxean egingo diete harrera eta ondoren Maalara joango dira, txistulari eta trikitilariekin kalejiran, han kontzertua eskaintzeko. 11:00etatik 13:30era bitartean izango da emanaldia. Kanpotik etorritako musikariak 125 izango dira bost taldetan banatuta, baina guztira 225etik gora musikari eta dantzarik hartuko dute parte Elgoibarko jaialdian. Izan ere, Inazio Bereziartuako ikasleak ere dira talde batetik besterako tarteetan. Gainera, bukaeran Emusikerako propio prestatutako Musika Bizitza kantua eskainiko dute Teruelgo Big Bandakoek taula gainean eta azpian kantuan eta dantzan Inazio Bereziartuako ikasleak.

Egitaraua:

Germans Arasa ” Los Flarets” musika banda (Santa Barbara-Tarragona)

• Gap Creek (Jay Bocook)
• Pavane in blue (Ted Bocook)
• A medieval suit (Andre Waignein)
• John Williams trilogy (John Moss)

 

Inazio Bereziartua: Trikitilariak eta dantzariak: courinta eta kalejira

 

Schulochester Bornheim orkestra (Bornheim-Alemania)

• Ouverture aurs der Zauberflote (W.A. Mozart)
• Allegro aur der Symphonie 8 (L.V. Bethoven)
• The Syncopated Clock (Leroy Anderson)

 

Inazio Bereziartua: Trikitilariak eta dantzariak: fandangoa eta arin-arina

 

 

Anton Garcia Abril Saxofoi ensemblea (Teruel)

• Comet rag (Ed. Mahony)
• Eleanor Rigby (Lennon)
• Chinese rag (Jean Matita)
• Grease ( Hautvast)

 

Inazio Bereziartua: Txistulariak

 

Jugendmusik (Aldorf-Suiza)

• Eiger (James Swearingen)
• La sera sper il lag (Gion B. Casanova, arr./Thomas Ruedi)
• Glacier Express (Larry Neeck)
• Urnerboda-kafi (Kurt Albert, arr. /Ghistoph Walter)

 

Inazio Bereziartua: Dultzainak

 

Anton Garcia Abril Big Banda (Teruel)

• Swing fever (Dean Sorenso)
• ne (Earle Hagen)
• Crazy Train (Roger Holmes)
• Poker face (Robinson Bologna)
• Hocus pocus (Larry Barton)
• Final Countdown (Joey Tempest)

 

Musika Bizitza: Teruelgo Big Banda eszenatokian eta Inazio Bereziartuako korua eta Musika Hizkuntzako ikasleak behean. Abestia eta koreografia.

 

Elgoibartarrentzako hori izango da herrira gerturatuko duten ikuskizuna, baina Donostian izango da Emusiken aitzakian beste emanaldirik. Maiatzaren 6an, Illunben, Euskal Herriko zein atzerriko 8.500 musika ikasleren topaketaren erakusle musika eta dantza batuko dituzte errepertorio anitz batean, besteak beste, Donostiako martxa, Txanton Piperri, Europako ereserkia eta Musika Bizitza.

•Noemi Araujoren saioa Saguesen 

Bestalde, Emusiken amaiera maiatzaren 7an, 20:00etan Saguesen egingo duten bukaera festarekin amaituko da. Besteak beste ekitaldirako espresuki sortu duten Big Band batek joko du eta tartean izango da Inazio Bereziartuako Noemi Araujo saxofoiarekin. Ondoren, DJ saioa izango da.

Antolatzaileen esanetan, Emusik jaialdia baino gehiago da. “Musika batzen gaituen hizkuntza komuna da eta hori premisatzat hartuta, ekitaldi aukera paregabea izango da kultura eta herrialde ezberdinetako ezagutzak eta esperientziak partekatzeko eta herri ezberdinen arteko hurreratzea eta hartu-emana bultzatzeko”. Gaineratu dute festa eta musika ospakizunaz gain, festibalak, musika eskolek maila guztietan egiten duten lan nekaezina jende aurrean zabaltzeko toki ere izan nahi duela.